رمز الأحلام

*** رمز الأحلام
إيدي بإيدك يا خيي نحلم
ونطير
متل فراشة بلحقلة أو جوز
عصافير
لنبني الوطن الغالي بقدرة
قدير
بلمحبة والسلام نعمل تغيير
نرفرف فوق ترابك يا وطني
بعطر النسيم ونزرع فراشات
ع بوابك ونطلق نفير
نرسم ضحكة مبنية ع لحب
وﻷخويّي بلا تبرير
بوحدة وطنية ما بتعرف فرق
ﻷديان
بتعرف لخي خي الصبية
ولحب يزيد
بتتماسك لقلوب ويعلى
لبنيان
وانت يا أختي اللبنانية
ﻻ تقولي لحب كان
قولي انو ﻹنسان بيبقى
ليبني خيو ﻹنسان
بيرتل باﻹنجيل او بيتلي
القرآن
ما عاد الفرق واضح
بين لمسيحية وﻹسلام
الدين يا أخوتي بين لبشرية
كبف نعمر اوطان
كيف مننشر ﻷحلام ع سفوح
وطن اسمو لبنان
وننسى كلمة شرقيّة
أو غربيّة ونحصد لإحسان
بالنخوة لوطنية بيكمل
لإعمار
وع ضبية و ع لمختارة
نلقي السلام
وبراس بيروت ولأشرفية
لقينا لوجدان
ولمحبة عم تتنقل
من سن الفيل للحمرا
ورملة لبيضا ولكل أخوان
ع لمصيطبة يا خيي وجدنا
لإسلام
عم يقدموا وردة بيضا
وينشروا لإيمان بلأوطان
بقلوب أطفال الصفرا
والدورا والأشرفيّة
والله بسحر لجمال
لح ننشر وحدتنا لوطنية
والإيد بالإيد
من طرابلس لأبيّي لجبيل
وجونية ونوصل لبيروت
لمحمية بطيور السلام
ولصيدا وصور وجنوبك يا لبنان
لح نكون أحلى سرب
بخبريّة رمز لأحلام