بكاء شمعة

بكيت الشمعة بالشرق
ع حب وطن عربي
بكيت وراحت تتأوه
من سرعة البرق
وأرض بتنشق بكل تكي
بكيت وشهقت ع أطفال
زغار اندبحوا بالدار
ونسوان ورجال هتفوا
للحرية
وقالوا الارض أبيي
وختيار بيفلح ويزرع
صار شق الصدور
وبيعمر قبور
فيها ألعاب وأفكار
انرسمت
وضحكات ما نميت
وانطفى النهار
وإجا الليل وعتم القمر
تحت صوت رصاص
بيقهر قهر
خلصت الشمعة ودابت
والحروب ما تابت
عن موت الأحرار
يا ويلي شو الزمن بيغار