رسالة من الجفون

بيوم اللي غفي فيه القمر
ورجع بوقت السحر
حامل رسالة إلي وأخبار
قال هيدي رسالة من الحبيب
ولح افضل آخد منك إلو وجيب
أحلى خبر وغرد بالكلمات وقال

يا ناطره وعدي وقدومي منتظر....
والليل ساكن والطبيعه مبنجي....
لا تعذبي الشباك لا تلومي النظر...
بكرا بجيكي عند ما بكرا يجي
قلت يا قمر وصل للحبيب
الخبر وقول له
يا بكرا حن عالقلب
ولا تتركو
يتعذب ويا شباك البيت
العالي
امنح النظر لو ضو من
السَّحر
خلي العين تعانق القمر
وتقول شكرا للقدر
غاب القمر ورجع حامل خبر
دخلك يا بكرا لا تطول غيبتك....
مشتاق ليها وكل همي
شوفها.....
بعثلها رسالةغرام بجيبتك....
خايف جمالك ينسل من حروفها
ورجعت حملتو رسالة فيها
يا حبي
حروفي اصيلي صنعتها
من الوجد
وعطرتها بعبق الزنبق والورد
وحملتها اسرار
واخبار ما الها حد
وخبرتها خبرية ما بيوقفها
اي سد
قلتلها وقلتلها ووعدتني
هي بالرد
وعاد ليحمل أسعد خبريي
قال قولها بحبك يا صبيي
و عجل وخذني عند اجمل عينتين....
الفيهن انوثي قد ما فيهن بريق....
عمر الدني لحظه ولقانا لحظتين....
وعمر الوعد معشوق والناطر عشيق
دخلك يا قمر خبّرو
إن عجل القدر بحضور العاشق
لح تخبره نسمات بلادي
قديش حملت مني اسرار
للقمر او للشمس بنهار
واللحظات صارت قريبة
والدنيا منها غريبة خبره
يا بحر بحبي
واغزل له من قصايد وجدي
كلمتين واحدة حب
والثانية انه نور العين
حمل القمر الخبرية بكل امان
ورجع باحلى كلام
يا ناطره وقلبك على غيابي نفطر....
متل ما قلبك نطر قلبي نطر....
ليكي القدر عواد عم يجمع صور....
وانت وانا لحن و وتر النا اثر....
صفنة خيال غيابنا ورجوعنا....
رجعت لحن معسول عا شفاف الوتر
رديت عالقمر قبل ما تغفل عيني
وحملتو رسالة نسجتها من جفوني
روح وخبرو يا قمر قديش
تمنى القلب يكون دمعة
حتى يولد من عينيه
ويكون ضو أو شمعة تضوي
درب الرجوع إلي
تإسكر هيك السكرة
متل ندي الربيع حتى ما العمر يضيع
وغفلت العين ع امل اللقاء
بعد يومين ويوم متل ما خبرها القمر