مركب مسافر

بحسك بمركب مسافر
أو راجع
بحسك نسمة بتحلق
وبتطير
أو فراشة ملونة بلون
الربيع
أو سنبلة مليانة بحب
بديع
بحسك الأمن والأمان
اللي انزرع بحنية الإنسان
بحسك غيمة مطر بتهل
ع كل البشر
بتغسل القهر بدموع السحر
أو بتوزع صور معطرة
بالحب من قلوب دفيانة
تيحمل العاشق أغاني
المحبين
بسهل مزروع بالنرجس
والياسمين
بحسك يا قلب ما قلبي
بحسك متعاطف معه
على دربي
عم ترسم على رمال الدهر
إني له مهما طال القهر