حروف الحب من قلبي

بالليل الغافي ع كتف موجي
رحت إنقش حروف الحب
من قلبي
لتسرح لبعيد وتغني
مواويل الغرام
لتسعد قلوب انزرعت
بدربي
بيوم حبيت زهرة دبلانة
وبيوم غازلت غيمة مليانة
بمطر الالهام
وبيوم قلت حبيبي تعبان
يمكن لاقي حجة
أو شي بيكفي
لخبي قصة حبي
ع تلة علياني
واشجار نعساني
تلوّح للنسيم
تيغفى من جديد
ع هدير البحر
ويغسل أحلى الصور
مع حورية البحر
أو شي صدفة
حملتها موجة للشط
تتبرق ع الرملات
وتعشق الغنيات
وتزرع الجمان بقلبي
تبحلق فيها إسمي
وبقول بحبك إنت يا ساكن
قلبي ومعمر دربي