يا وَرْدْ

حضَنْتَكْ يا وَرْدِ وْحَبَّيْتْ شِمَّكْ
وْأِزْرَعَكْ بِدَرْبي وما حدا يْهِمَّكْ

ريحةْ عُطْرَكْ وِقْفِتْ عَ بوابي
مِن زَغْري وْإنْتَ مَوَّالي

حْضَنْتَكْ مِنْ شَوْقي إلَكْ
تَـلِمَّكْ بإيدَين يا ما حِلْمِتِ بِضَمَّكْ

حْضَنْتَكْ قَبِلْ ما النَّحْلْ يِقرِّبْ مِنَّكْ
تَحافِظْ عَ طَهارِةْ دَمَّكْ

قُلْتُلَّكْ إنّي إلَكْ مُشْتاقْ
حتّى شوف لْبَسْمِهْ ع َتِمَّكْ

قُلْتُلَّكْ أنا لْمَلْهوفْ
لَحُضُنْ يِجْمَعْ بَيْني وْ بَيْنَكْ

يا وَرْدْ رَبيعِ لْعُمُرْ لا تِبْعُدْ عَنّيْ
وْ إِنْتَ رَضيْعْ
لِأَنّي بْخافْ إِنَّكِ تْضيعْ
وْما يِحْمْلو هَمَّكْ
* الشّاعرة جمانة عيتاني * شاعرة الكلمة *