مِنْ يَوْمِ الْلي انْطفى الْقَنْديلْ( عامية)

مِنْ يَوْمِ الْلي فَتَّحِ الْوَرْدْ
وِالْحِلِمْ غابْ عنِ الدّرْبْ
مِنْ يَوْمِ الْلي انْطفى الْقَنْديلْ
وْراحِ الْقَمَرْ يِشْكي مِنِ مْواوِيْلْ
وِ النِّجْمِهْ تْسافِرْ مَعِ الضَّفِّهْ
عَ مَوْجِ الْبَحُرْ عَ طَلِّتْ صَخُرْ
رِسْيِتْ سُفُنْوْراحِ الْقَلْبْ
يِرْسُمْ بِوَهِنْ طَريقِ القَدَرْ
خْيالاتْ أَحِبَّهْ كانوا رْفاقِ الْعُمُرْ
بِمَدْرَسِهْ، عَ مَقْعَدْ دِراسِهْ
وِالزَّمَنْ دارْ، وِسْنينِ الْعُمْرِ كْتارْ
ضَيَّعْنا الْحَبايِبْ، وصارِ الْكُلْ سارِحْ
مَعْ عَيْلِهْ غَريبهْ، مَعْ أَطْفال كْتيْرِهْ
مَعْ أُمْ وْ أَبْ خِتْيارْ، والدّهْرْ يْغارْ
أوْ ما جابوا وْلادْ زغار ْزْغارْ
وْلَمّا بْيِلْتِقي الْإِحْساسْ
بِعالَمْ أَوْ ناسْ، مْنِذْكُرِ وْجوهْ
وْأَعْمالْ كانِتْ مَهْضومِهْ
مِنْ بِنْتِ زْغيرِهْ أو بِعُمْرِ الْحِيرِه
وَقْعِتْ يَوْمْ بْغرامْ ، أَوْ بِعِشْق وَلْهانْ
وْصارِتِ الْيَوْمْ سِتّي وِلْحافْها بِيْدَفّي
بْتِنْطُلِقِ الضِّحْكِهْ عَعتابِ انْطَوَى
بِساعةْ وِدْ بْلَحْظِةْ صَفا
@ شاعرة الكلمة جمانة عيتاني @